همه‌شه ماراغیمی چکن یازیم ایشارتلرینی هاردا و نئجه قوللانیلماسینا فرقلی یازارلار وریندن دیققت یئتیرردیم.دولاییسی ایله آذربایجان و تورکییه قزئته­‌لری وب سیته‌­لرینده گئدن مقاله­ و خبرلری گؤز اؤنونه آلدیم.بو آختاریشدا، یازیلارین ایچه­‌ریینی بیر یانا بوراخاراق یازیم قوراللارینی همن قزئته­ لر وریندن تیتیزلیکله قوللانمالارینا قارشیلاشدیم. هر بیر یازییا بیله­‌رک و یا بیلمه­‌یه­‌رک یانلیشلیقلار یول آچا­بیلر.اؤنملی اولان مسئله بو یانلیشلیقلارین گئت-گئده آزالماسیدیر.آشاغیدا سیرالادیغیم باشلیقلار و اونلارلا ایلگیلی اؤرنکلر، بو ایشین سونوجو اولدو.دئمه لییم کی: علامتلرین ایشله‌ولری(کاربرد) ایله ایلگیلی،  باشلاملارناقیص اولا بیلر.!

الف) نوقطه ( . ) 

1.جومله سونلاریندا ایشله­ دیلیر.بللی بیر مفهومون ایفاده اولونماسینی گؤسته­ ریر.(تیراختور یانداشلاری توتوقلاندیلار.)

2.شئعر، کیتاب،روزنامه، درگی، و یازی باشلیقلاریندان سونرا ایشله­ دیلمز.

شئعر وارلیغین ائویدیر

بؤلوم باشلیقلاریندان سونرا دا ایشله ­دیلمز.

دیل و اونون اؤنمی

3.قوروم آدلاریندان سونرا ایشله­ دیلمز.

 آذربایجان سیاسی محبوسلاری مودافیعه انجومنی

آذربایجان یازارلار بیرلییی

4.تاریخلری یازاندا گون، آی، وایلی آییرماق اوچون نوقطه قویولار.

1324.9.21

تاریخلرده آی آدلاری یازی ایله یازیلسا آی آدلاریندان اؤنجه و سونرا نوقطه قویولماز.21 آذر 1324

5. ساعات و دقیقه­ لری آییرماق اوچون نوقطه قویولار.

گؤسته­‌ری آخشام ساعات 5.30'دا باشلایاجاق.

ب) ویرگول ( ، )

1.یازیدا آرخا-آرخایا گلن عئینی وظیفه­ نی داشییان کلمه­ لر آراسیندا ویرگول قونار.

آرتین، آرمان و آیدین هر هفته جوما تیراختور اویونلارینا قاتیلارلار.

2.عئینی وظیفه­ لی جومله ­لر آراسینا ویرگول قونار.

آراز اوخولدان گلدی، چانتاسینی یئره قویجاق، آناسیندان سو ایسته­ دی.

3.جومله ایچینده اؤزه ­ل اولاراق وورغولاماسی گره­ کن کلمه­ دن سونرا قوللانیلار.

بئله­ لیکله، آذربایجان میللی حوکومتی آذرآیینین 21'ده  میر جعفر پیشه وری'نین باشچیلیغی ایله وارلیغینی ائعلان ائتدی.

گؤرونور، بو بهانه‌لره جیددی یاناشماق گره‌ک دئییل، بو بهانه‌لره آنجاق تنبل‌لر،دیل بیلمزلر سیغینیرلار.(ا.طه)

4.ساییلاردا اوندالیقلاری (دهم) آییرماق اوچون قوللانیلار.

456،3

5.تکرارلانان کلمه­ لر آراسینا گلر.

آنجاق، گینه آنجاق   

6.خطاب جومله ­لریندن سونرا گلر.

سئوگیلی قارداشلاریم، بو گون میلله­ تیمیزین ظفر گونودور.

9.بیر دوشونجه­ نی قبول ویا قبول ائتمه­­‌مه سؤزلریندن سونرا گلر.

بلی، سیزی ائشیتمک ایستردیک.      خئییر، سیزین کمی دوشونمورم.

8.یازیشمالاردا یئر آدلارینی تاریخلردن آییرماق اوچون قوللانیلار.

مییانا، 15 اردیبهشت 1390

ج) نوقطه ­لی ویرگول ( ؛ )

1.آنلامجا باغلاری اولان جومله ­لری آییرماق اوچون قوللانیلار.

آت اؤلور، مئیدان قالیر؛ ایگید اؤلور، شان قالیر

شئعر، دیلی چوخالدیر، گوجلندیریر؛ بیلیم ایسه دیلی آزالدیر، آریقلادیر.(ا.طه)

2.جومله ایچینده عئینی  ده­ یرده اولوب ویرگول ایله آیریلمیش نوعلاری، گروهلاری آییرماق اوچون ایشله­ نیلیر.

یاخالانانلاردان سعید، علیرضا، وحوسئین Aسئللولا؛ هادی، حبیب، آلتای  Bسئللولونا گؤنده‌ریلدیلر.

اولان اولدو، ایش ایشدن کئچدی؛ گله­‌جه‌­یه  فیکیرلشمه­‌لییک.

3.ویرگویل ایله آیریلمیش اؤرنکلری فرقلی اؤرنکلردن آییرماق اوچون گلر.

تبریز ، باکی، آنکارا؛ گونئی، قوزئی، تورکیه

د) ایکی نوقطه ( : )

1.بیر جومله­ نین سونوندا آچیقلاما وئریله­ جکسه، اؤرنک گتیریله­ جکسه گلر.

یانلیشلیقلاریمیزی گئده­ رمک اوچون تک بیر یول وار: یورولمادان یازماق.

دؤنه دؤنه بونو وورغولاماق ایسته‌ییرم: تکجه دیلی یئنیدن قورماغی باجاران شاعیر دیلی اوچورمالی‌دیر، یوخسا اؤزوده دیل اوچقونونون آلتیندا قالاجاق.

اینجه سسلی حرفلریمیز بونلاردیلار:e, ə, i, ü, ö.

2.کاتالوقلاردا یازار آدلاری ایله اثر آدلاری آراسیندا گلر.

پروفسور محمد تقی زهتابی: ایران تورکلرینین اسکی تاریخی، آذربایجان تورکجه­ سینین نحوی

دوکتور علی داشقین: فرهنگ ترکی- فارسی، عمومی دیلچیلیک

ه) اوچ نوقطه ( ... )

1.هر بیر سببدن دولایی بیتیریلمه­ میش جومله ­لرین سونونا گلر.

دوغروسون ایسته ­سن...

گؤزومله گؤردوکلریمی سؤیله ­سم...

2.آچیقجا یازیلماسی ایسته ­نیلمه­‌ین شخص، سؤز و یئرآدلاری  یئرینه قوللانیللار.

اونون ... سونرادان هامییا بلله ­نه­‌جک.

هله ­لیک دون گئجه آدینی چکدییم دوستوموزونان  تورکییه'نین ... شهرینده یاشاییرلار.

3.بیر قونودا بیر گروه اؤرنکلر وئریلیرکن  باشقالارینین دا قاتیلماسینی بلیرتمک اوچون گلر.

بو گزی'یه (دولانما،گردش تفریحی) بوتون صینیفلردن قاتیلمیشدیلار: اؤیرنجی، اوشاق، قزئته ­چی، عسگر، کارمند و ...